- Mahe Rajjab Ke Rozon ki Fazilat

1:”Jab koyi Mahe Rajjab ki pheli tarikh ko roza rakhta hai,usse Jahannam itni dur hojati hai jitna asmaan zameen se dur hai. Rajjab me bande ke nekiya dugni hojati hai”

2:”Jo koyi Allaah azzawajal ki riza hasil karne keliye Mahe Rajjab me ek roza bi rakhleta  hai woh dakhile jannat hota hai”

3: “Jo koyi Mahe Rajjab me ek hi roza riza-e-Ilahi azzawajal aur sawab keliye rakhle to woh roza us ke liye Qahar-e-Ilahi azzawajal ko kam kardeta hai aur uske liye dozakh ka ek darwaza band kardeta hai aur zameen bhar sona se bhi uska sawab zyada hai balke duniya ki tamaam cheezon ka ajr bhi uske sawab ke barabar nahi ho sakhta”

4:“Jisne mahe Haraam me 3 roze rakhe uske liye 900 saal ki ibadat ka sawab likhdiya jayega ”

Note:zul Khaida ,zul haj, Muharram, Rajjab ye 4 mahine Mahe Haraam hai.

5: “Jo shaksh Mahe Rajjab ki pheli tarikh ko roza rakhta hai usne goya tamaam mahine ke roze rakhliye aur agar kisine 7 roze rakhe to Allah azzawajal ne us per dozakh ke 7 darwaze band kardiye aur agar kisine 8 roze rakhe to Allaah azzawajal ne  uske liye jannat ke 8 darwaze kholdiye  aur jo shaks 10 roze rakhta hai uske tamaam gunah nekiya se badal diyejate hai aur jo 18 roze rakhta hai to usko gaib se pukarajata hai ke Allaah azzawajal ne tumhare sab gunah bakshdiye hai ab tum ayinda keliye nek amal karo.”

6:  “Jo koyi Mahe Rajjab ke pheli din roze rakhe to Allaah azzawajal uske 60 baras ke gunah maaf farmadeta hai aur agar koyi 14 roze  rakhe to qiyamat ke roz uska hisab asaan hojayega aur jo sare mahine ke 30 roze rakhe us bande ke liye Allaah azzawajal farmate hai main apne us bande se is qadar khush hoo ke usko azab nahi diyajayega.”

7: 15 Mahe Rajjab ko roza rakhne wale ke liye  Jannat ke aanton (8) darwaze khuldiye jate hai, jis darwaze se chahe dakhil hoo

8: Jisne sattayiswi (27th) Mahe Rajjab ka roza rakha, Allaah azzawajal usko ek hazar (1000) saal ke rozon ka sawab marhamat farmayega

9: Jisne sattayiswi (27th) Mahe Rajjab ka Roza rakha, Uske liye ye roza tamaam umr bhar ke gunahoon ka kaffara hojayega aur agar woh us saal marjayega to shahid hoga

10: Jisne Mahe Rajjab me ek bar Sura-e-Ikhlas (Qul hu Wallaahu Ahad) pade Allaah azzawajal us ke 50 saal ke gunah bakshdega

11: Jo koyi 15 Mahe Rajjab ko 10 bar Sura-e-Fateha pade aur usi dauran Baat cheet na kareto goyaa usne Zameeno ke barabar Allaah azzawajal ki rah me sona khairat kiya

12: Agar koyi is iy’teqaad ke sath ke Mahe Rajjab Allaah azzawajal ka mahina hai kisi musalman ki mushkil hal karde to uske ewaz Allaah azzawajal usko Jannat me ek aisa mahel ata farmayega jo hadde Nazar tak wasi hoga

Agar koyi Mahe Rajjab me Sadqa-o-Khairat de to Allaah azzawajal usko duzakh se itni fasle ke barabar dur kardeta hai ke kawwa ka bachch apne ghusnle se udna shuru kare aur akhirkar udte udte budah hokar marjaye. Kaha jata hai ke kawwa ka bachcha ki umr 500 saal tak hoti hai

13:Mahe Rajjab me bande ke nekiya dugni hojati hai.

<Ref: Risala, Kafan ki wapasi >